तेर येथे ३० बेड च्या कोरोना विलिनीकरण कक्षाचे उद्घाटन

तेरः येथे कोरोना बाधित रूग्णांची वाढती संख्या लक्षात घेऊन आ. राणा जगजितसिंह पाटील यांच्या सूचनेनुसार ,लोकप्रतिनिधी व लोकसहभागातून महाराष्ट्र संत विद्यालयातील इमारतीत ३० बेडच्या कोरोना विलगीकरण कक्षाची स्थापन करण्यात आली.बुधवारी ग्रामीण रूग्णालयाचे वैद्यकीय अधिकारी डॉ . विजय विश्वकर्मा यांच्या हस्ते या कक्षाचे उद्घाटन करण्यात आले.या विलिनीकरण कक्षास स्थानिकचे खाजगी डॉक्टर विनामूल्य सेवा देणार आहेत यावेळी सरपंच नवनाथ नाईकवाडी , उपसरपंच मजिद मणियार , केंद्रीय शाळेचे मुख्याध्यापक गोरोबा पाडूळे,विठ्ठल लामतुरे,बापू नाईकवाडी , सुमेध वाघमारे , रुग्ण कल्याण समितीचे सदस्य जुनेद मोमीन सुभाष कुलकर्णी , डॉ.बालाजी खराडे,डॉ.सुनील शेंडगे , डॉ . दिपक ढेकणे , जोशीला लोमटे , ग्रापं सदस्य रवीराज चौगुले , नरहरी बडवे , गोरख माळी , तानाजी पिंपळे पांडुरंग भक्ते आदींची उपस्थिती होती.
पाणी टंचाई,भूकंप अश्या अडचणीच्या काळात तेर व परिसरातील ग्रामस्थांना महाराष्ट्र संत विद्यालय तेर यांची खूप मदत झाली आहे तसेच शाळेच्या बाबतीत ही तेर ग्रामस्थांची व लोकप्रतिनिधींनची नेहमीच सहकार्याची भावना असते.