आता पांढऱ्या बुरशीचे रुग्ण आढळल्याने मोठी खळबळ

पाटणा : काळी बुरशी ( म्यूकरमायकोसिस ) नंतर आता पांढऱ्या बुरशीचे रुग्ण आढळल्यामुळे मोठी खळबळ उडाली आहे . काळ्या बुरशीच्या तुलनेत अधिक घातक मानली जाणारी पांढरी बुरशी या आजाराचे चार रुग्ण सापडले आहेत.पांढरी बुरशी ( कॅन्डिडोसिस ) फुफ्फुसांच्या संसर्गाचे मुख्य कारण आहे.फुफ्फुसांव्यतिरिक्त ते त्वचा,नखे,तोंडातील अंतर्गत भाग,पोट आणि आतडे, मूत्रपिंड,जननेंद्रिय आणि मेंदू इत्यादींना देखील संक्रमित करते.पाटणा मेडिकल कॉलेज आणि हॉस्पिटल ( PMCH ) च्या मायक्रोबायोलॉजी विभागाचे प्रमुख डॉ . एसएन सिंह यांच्या मते,आतापर्यंत असे चार रुग्ण आढळले आहेत,ज्यांना कोरोनाची लक्षणे आढळली,परंतु त्यांना कोरोना नव्हता तर पांढऱ्या बुरशीचा संसर्ग झालेला होता.या रुग्णांच्या रॅपिड अँटीजेन,रॅपिड अँटीबॉडी आणि RT – PCR या तिन्ही कोरोना टेस्ट नकारात्मक होत्या.तपासणी केल्यानंतर केवळ अँटी फंगल औषधांनी ते बरे झाले आहेत.या रुग्णांमध्ये पाटण्यातील प्रमुख शल्य चिकित्सक देखील आहेत,ज्यांना एका मोठ्या खासगी रुग्णालयात कोरोना वॉर्डमध्ये दाखल केले गेले.त्यांना पांढऱ्या बुरशीचा संसर्ग असल्याचे उघड झाले आहे.अँटी – फंगल ड्रग्स दिल्यानंतर त्यांची ऑक्सिजनची पातळी 95 वर पोहोचली.कोरोना संसर्ग आहे की पांढरी बुरशी हे ओळखणे अवघड : पांढऱ्या बुरशीची फुफ्फुसातील संसर्गाची लक्षणे HRCT मध्ये कोरोनासारखीच दिसतात . त्यांच्यात फरक करणे कठीण होते.अशा रुग्णांमध्ये रॅपिड अँटीजेन आणि RT-PCR चाचणी नकारात्मक येते.कोरोनासारखी लक्षणे (स्पॉट्स) आढळल्यास HRCT मध्ये जलद प्रतिपिंड चाचणी करायला हवी . ऑक्सिजनच्या आधारावर असणाऱ्या रुग्णांच्या.