राज्य सरकारी कर्मचाऱ्यांचा सातवा वेतन आयोगाच्या थकबाकीचा दुसरा हफ्ता राज्य सरकारकडून लवकरच

राज्य सरकारी कर्मचाऱ्यांसाठी खुशखबर आहे. सातव्या वेतन आयोगाच्या थकबाकीचा दुसरा हप्ता राज्य सरकारकडून लवकरच दिला जाणार आहे. निवृत्ति वेतनच्या थकबाकीच्या दुसऱ्या हप्त्याची रक्कम जुलै महिन्याच्या निवृत्ती वेतन सोबत रोखीने दिली जाणार आहे.

राज्य सरकारी कर्मचारी सातव्या वेतन आयोग थकबाकीच्या दुसरा हप्ता ऑगस्ट महिन्याच्या पगाराबरोबर दिली जाणार आहे. तर जिल्हा परिषदा, अनुदानित शाळा तसेच इतर अनुदानित संस्थांमधील कर्मचाऱ्यांना दुसऱ्या हप्त्यांत थकबाकी रक्कम सप्टेंबर महिन्यातील पगारात दिली जाणार आहे.

शासनाने अधिसूचना काढून 30 जानेवारी 2019 सातव्या वेतन आयोगाची थकबाकी सन 2019-20 पासून पुढील 5 वर्षांत, 5 समान हप्त्यांत कर्मचाऱ्यांच्या भविष्य निर्वाह निधी योजनेच्या खात्यात जमा करण्याचा आणि सेवानिवृत्त कर्मचाऱ्यांना रोखीने अदा करण्याचा निर्णय घेण्यात आला आहे.