बार्शी:-दिनांक 20 एप्रिल 2025 रोजी ऑल इंडिया बँक एम्प्लॉईज असोसिएशन ( AIBEA ) या बँकिंग क्षेत्रातील बलाढ्य संघटनेचा 80 वा स्थापना दिवस आहे. या दिवशी देशभरामध्ये विविध उपक्रम राबवून संघटनेचा स्थापना दिन साजरा केला जातो.

महाराष्ट्र स्टेट बँक एम्प्लॉईज फेडरेशनच्या वतीने राज्यभरामध्ये रक्तदान शिबिराचे आयोजन करण्याचे आवाहन करण्यात आले होते. त्याप्रमाणे ठिकठिकाणी रक्तदान शिबिराचे आयोजन करण्यात आले होते.
त्याचाच एक भाग म्हणून बँक कर्मचारी समन्वय समिती बार्शीच्या वतीने, रामभाई शहा रक्तपेढी, जवाहर हॉस्पिटल बार्शी येथे रक्तदान शिबिर आयोजित करण्यात आले होते. जवळपास 15 लोकांनी याठिकाणी रक्तदान केले.
यात बँक ऑफ इंडिया आणि बँक ऑफ महाराष्ट्रचे करमाळा, निमगाव टेंभुर्णी, श्रीपूर, बार्शी या शाखांतील कॉम्रेड्सनी सहभाग नोंदवला याठिकाणी समितीचे अध्यक्ष कॉ. राहुल मांजरे समन्वयक कॉ. सरिता कुलकर्णी आणि बँक कर्मचारी उपस्थित होते .
More Stories
नांदेड-मुंबई वंदे भारत एक्स्प्रेस’चा नांदेड रेल्वे स्थानकावरून शुभारंभ
डॉ. प्रविण मस्तुद यांच्या “मराठी भाषिक व्यंगचित्र पत्रकारितेचा इतिहास” या पुस्तकास चक्रधर स्वामी राज्यस्तरीय वाङ्मय पुरस्कार
बार्शीकर धावले नांदेडमधील पूरग्रस्तांच्या मदतीला, पीडित कुटूंबियांना मदत