सोलापूर, दि. 6: दिव्यांग व्यक्तींना स्वावलंबनासाठी हरित उर्जेवर चालणारे पर्यावरणस्नेही फिरत्या वाहनावरील दुकान (मोबाईल शॉप ऑन ई-व्हेईकल) मोफत उपलब्ध करून देण्यात येत आहे. ही योजना दिव्यांग वित्त व विकास महामंडळातर्फे राबविण्यात येत आहे. या योजनेसाठी दिव्यांग व्यक्तींनी ऑनलाईन अर्ज सादर करण्यासाठी दि. 10 फेब्रुवारी 2025 दुपारी 12.00 वाजेपर्यंत मुदत देण्यात आली आहे. अशी माहिती दिव्यांग वित्त विकास महामंडळाचे जिल्हा व्यवस्थापक यांनी दिली आहे.
दिव्यांग व्यक्तींना पुरेशा सोयी- सुविधा उपलब्ध करून रोजगारनिर्मितीस चालना देणे. दिव्यांग व्यक्तींचे आर्थिक, सामाजिक पुनर्वसन करणे, सर्वसामान्य व्यक्तींप्रमाणे दिव्यांग व्यक्तींना त्यांच्या परिवार, कुटुंबासमवेत जीवन जगण्यास सक्षम करणे, हा या योजनेचा उद्देश आहे.
गरजू दिव्यांग व्यक्तींना लाभ मिळण्यासाठी अर्जदार नाव नोंदणी व अर्ज करण्यासाठी पोर्टल सुरू करण्यात आले आहे. दिव्यांग व्यक्तींना
https://register.mshfdc.co.in
या संकेतस्थळावर ऑनलाईन अर्ज करता येईल. या लिंकद्वारे दिव्यांग व्यक्तींना ऑनलाईन अर्ज सादर करण्याचे आवाहन दिव्यांग वित्त विकास महामंडळाचे जिल्हा व्यवस्थापक यांनी केले आहे.
More Stories
भैरवनाथ विद्यालयातील श्री.संतोषकुमार चिकणे यांना आदर्श शिक्षक पुरस्कार प्राप्त
बार्शीच्या भगवंत अभियांत्रिकी मध्ये बीसीए प्रवेश परीक्षा कार्यशाळा संपन्न
अखंड हरिनाम सप्ताह निमित्त निपाणी ता.भूम येथे भव्य रक्तदान शिबीर संपन्न