बार्शी : बार्शी गाडी लोहार समाजाच्या वतीने श्री विश्वकर्मा जयंती मोठ्या उत्साहात आणि भक्तिभावाने साजरी करण्यात आली. या निमित्ताने विविध कार्यक्रमांचे आयोजन करण्यात आले होते.
श्री विश्वकर्मा जयंतीच्या दिवशी सकाळी समाजबांधवांनी एकत्र येऊन श्री विश्वकर्मा भगवानची विधीवत पूजन केले. पूजेनंतर दादासाहेब लोहार यांचे मर्दानी खेळाचे प्रात्यक्षिक झाले तसेच समाज बांधवांसाठी प्रा. शिवाजी पवार यांचे “पारंपरिक व्यवसायाला आधुनिक तंत्रज्ञानाची जोड” या विषयी व्याख्यानाचे आयोजन करण्यात आले होते. यावेळी समाजातील ज्येष्ठ मंडळी, महिला भगिनी,मान्यवर आणि युवक मोठ्या संख्येने उपस्थित होते.
कार्यक्रमात समाजाच्या प्रगतीसाठी विविध उपक्रम राबवण्याचा निर्धार करण्यात आला. तसेच, युवा पिढीला लोहार समाजाच्या परंपरांचा वारसा आणि आधुनिक तंत्रज्ञानाची जोड देऊन पुढे जाण्यासाठी प्रेरित करण्यात आले.
या सोहळ्याच्या यशस्वी आयोजनासाठी समाजातील कार्यकर्त्यांनी विशेष मेहनत घेतली.
More Stories
गरीब रूग्णांना रूग्णालयात उपचारासाठी धर्मादाय योजनेतर्गंत रूग्णालयांची नावे जाहीर
श्री. छत्रपती शिवाजी महाराज महाराजस्व समाधान शिबीर अंतर्गत विविध प्रकारचे दाखल्याचे शिबीर आयोजन
कीर्तनकार ह.भ.प. मधुकर महाराज गिरी गोसावी यांचे निधन, वारकरी सांप्रदायासह गोसावी समाजावर शोककळा