“हेल्थ क्लब” च्या निरोगी विचारातून साकारला “एक मोठा सामाजिक उपक्रम”……!

फ्रेंइस बहुउद्देशीय संस्था व रणरागिणी महिला बहुउद्देशीय संस्था,बार्शी संचलित ” हेल्थ क्लब-बार्शी” ने जोपासली एक फार मोठी सामाजिक बांधिलकी. श्रीदत्त वारकरी सेवाभावी संस्था-अंंतर्गत आश्रयातील ४५ मुले त्यातील २५ मुले पुर्ण अनाथ असणाऱ्या आश्रमास एक महिना पुरेल असे अन्नधान्य व दैनंदिन लागणाऱ्या सर्व वस्तूंचे मनोभावे वाटप करण्यात आले.

 याप्रसंगी सुरूवातीला कार्यक्रम प्रास्ताविक श्री.भगवान लोकरे-सर यांनी केले. हेल्थ क्लब ने केलेले चौफेर कार्य आढावा श्री.संतोष घावटे-सर यांनी मांडला ; "कार्याला चांगल्या कर्माची जोड मिळाली की माणसाचे आयुष्य सत्कारणी लागते"-याबाबत विचार मांडले. शैक्षणिक-पर्यावरण-वृक्षसंवर्धन-शिक्षण-आरोग्य-सामाजिक अशा हेल्थ क्लब ने केलेल्या कार्याचा आढावा श्री.संभाजी नवले-सर यांनी मांडून देणगीदार मान्यवरांचे आभार मानले.

याप्रसंगी उपस्थित मा.श्री.तानाजी पाटील सो|-(व्यावसायिक-नाशिक), श्री.अनिल भोसले सो|-(व्यावसायिक-बार्शी), समाजसेवक विजयकुमार दिवाणजी सर श्री.राहूल वाणी सो|-(समाजसेवक), श्री.सुमित खुरूंगुळे सो|-(समाजसेवक), श्री.लहू मोहिते सो| मित्रमंडळ,बार्शी, श्री.उदयकुमार शिंदे सो|-अध्यक्ष:उडान फाऊंडेशन(श्री करियर अकॅडमी-बार्शी) यांनी प्रेरणादायी विचार मांडून मोठ्या देणगी रक्कमा संबंधित संस्थेचे कार्यवाह श्री.सागर(महाराज) कोल्हाळे यांच्याकडे सपुर्त केल्या. हेल्थ क्लब चे मार्गदर्शक श्री.किरण तौर-सर यांनी ही आपले प्रेरणादायी विचार मांडले.

हेल्थ क्लब ने चालू वर्षी जिल्हास्तरीय वक्तृत्व-चित्रकला-सामान्य ज्ञान स्पर्धा, कोजागिरी पौर्णिमेला १०००+ ली.दूध वाटप व आषाढी एकादशीला फराळाची सामुग्री वाटप, छत्रपती शिवाजी महाराज व संभाजी महाराज जयंतीनिमित्त विविध क्रिडा स्पर्धांचे आयोजन, स्वातंत्र्याचा अमृतमहोत्सव निमित्त भव्य बाईक रैली असे बरेच सामाजिक उपक्रम राबवले.

श्री दत्त वारकरी सेवाभावी संस्था,ताडसौदने रोड-बार्शी यांनी हेल्थ क्लब ने केलेल्या मदतीबाबत-देणगी बाबत सर्वांचे मनोभावे ऋण व्यक्त केले.

या सामाजिक बांधिलकी ! उपक्रमासाठी सर्व हेल्थ क्लब टीमने विशेष परिश्रम घेतले; व अनेकांनी अन्नदान करणेबाबत मनोदय व्यक्त केला.