बार्शीचा बुद्धिबळपटू प्रसन्न जगदाळे यांस Blitz मध्ये आंतरराष्ट्रीय मानांकन

प्रसन्नने एका वर्षात तीनही आंतरराष्ट्रीय गुणांकन प्राप्त केले

बार्शी येथील महाराष्ट्र विद्यालयाचा विद्यार्थी प्रसन्न जगदाळे यास रॅपिड नंतर ब्लीट्स मध्ये आंतरराष्ट्रीय गुणांकन प्राप्त झाले.

पुणे येथे झालेल्या ऑल इंडिया ओपन ब्लीट्स तीन मिनिट दोन सेकंद इन्क्रिमेंट असलेल्या अती जलद चेस टूर्नामेंट मध्ये महाराष्ट्र, कर्नाटक, गोवा, दिल्ली या राज्यातून खेळाडू आले होते. आंतरराष्ट्रीय मानांकन प्राप्त असलेल्या या स्पर्धेत ३०३ खेळाडूंनी सहभाग नोंदविला होता. आंतरराष्ट्रीय खेळाडूंना पराभूत करून प्रसन्न जगदाळे यांनी गुणांकन प्राप्त केले.

आंतरराष्ट्रीय मानांकन प्राप्त १९५८ असलेले डोंगरे चंद्रकांत यांना प्रसन्नने बरोबरीत रोखले तर मिलिंद सुर्वे, निखिल देशपांडे, आर्णव व राऊत, आरुष यांना पराभूत करून आंतरराष्ट्रीय गुणांकन प्राप्त केले.

या यशाबद्दल शिवशक्ती बँकेचे व्हाईस चेअरमन अशोक जगदाळे व संचालक हनुमंत चव्हाण यांनी सत्कार करून पुढील वाटचालीस शुभेच्छा दिल्या. तर महाराष्ट्र विद्यालयाचे मुख्याध्यापक चव्हाण, शिक्षक नलगे, ऊपळकर, अनिल पाटील, यांनी अभिनंदन करून शुभेच्छा दिल्या.