नियोजन भवन येथे 7 ऑगस्ट रोजी “Soulful सोलापूर” उपक्रमांतर्गत पर्यटन विकास कार्यशाळेचे आयोजन

सोलापूर, 5 ऑगस्ट – महाराष्ट्र शासनाच्या पर्यटन विभाग व सोलापूर जिल्हा प्रशासनाच्या संयुक्त विद्यमाने “भावपूर्ण महाराष्ट्र” उपक्रमांतर्गत जिल्ह्यातील पर्यटन स्थळांचा सर्वांगीण विकास, कृषि पर्यटन, इको-टुरिझम व साहसी पर्यटनाला चालना देण्यासाठी विशेष कार्यशाळेचे आयोजन करण्यात आले आहे. ही कार्यशाळा 7 ऑगस्ट 2025 रोजी सकाळी 11 ते 1 या वेळेत नियोजन भवन, सोलापूर येथे पार पडणार आहे, अशी माहिती विभागीय पर्यटन कार्यालयाच्या उपसंचालक शमा पवार यांनी दिली आहे.

कार्यशाळेचा उद्देश पर्यटन क्षेत्रातील स्थानिक अर्थवृद्धी, रोजगार निर्मिती, महिला सक्षमीकरण व शासकीय योजनांचा लाभ यावर केंद्रित असून, “पर्यटन धोरण 2024” च्या अंमलबजावणीसाठी जिल्हा स्तरावर समन्वय व धोरणात्मक दिशा ठरविणे हेही महत्त्वाचे उद्दिष्ट आहे.

🔹 अपेक्षित सहभागी घटक:

• ट्रेकर्स, गिर्यारोहक
• पर्यटन मार्गदर्शक
• होमस्टे/हॉस्पिटॅलिटी सेवा देणारे
• ट्रॅव्हल्स ब्लॉगर्स व सोशल मीडिया मार्केटर्स
• साहसी खेळ व इव्हेंट आयोजक
• पर्यटन संस्था व स्थानिक उद्योजक
• युवक, महिला बचत गट सदस्य व महिला उद्योजक

🔹 कार्यशाळेतील मुख्य बाबी:

• नवीन व अनभिज्ञ पर्यटन स्थळांचा विकास
• साहसी व इको-टुरिझम संधी
• पर्यटन व स्थानिक भागधारकांमध्ये समन्वय
• शासकीय योजनांची माहिती (अनुदान, आई योजना, बिगरव्याजी अर्थसहाय्य)
• महिला व बचत गट आधारित पर्यटन उपक्रमांना चालना

या क्षेत्रात कार्यरत असलेल्या व्यावसायिक व अनुभवी व्यक्तींना विशेष आमंत्रण देण्यात आले आहे. इच्छुक व्यक्तींनी व संस्थांनी कार्यशाळेत सहभाग नोंदवावा.
याविषयी अधिक माहितीसाठी 8080035134 या क्रमांकावर संपर्क करण्याचे आवाहन करण्यात आले आहे.