प्रिसिजन कॅमशाफ्ट्स सोलापूर यांच्या प्रिसिजन फाऊंडेशनचा “वाचन पासवर्ड” उपक्रम

शालेय विद्यार्थांमध्ये वाचन संस्कृती वाढावी या उद्देशाने ” पासवर्ड ” हा शैक्षणिक प्रकल्प प्रिसिजन फाऊंडेशन च्या माध्यमातून राबविला जातो.

या उपक्रमांतर्गत सोनामाता शाळा,जिल्हा परिषद प्राथमिक शाळा बेलाटी,पापरी ता.मोहोळ व अरण ता माढा येथे झालेल्या कार्यक्रमात पासवर्ड स्पर्धेतील विजेत्या विद्यार्थ्यांना राजीव तांबे यांच्या हस्ते बक्षिसे देण्यात आली.

विज्ञान विषयातील गमतीदार प्रश्नोत्तरमध्ये पाऊस काळ्या ढगातून पडतो की पांढऱ्या? क कपाटाचा कि होल हँडल च्या खाली की वर? आणि का? सिलिंग फॅन क्लॉकवाईज की अँटी कलॉकवाईज फिरतो ? अशा पाठयपुस्तका बाहेरील प्रश्नांची गम्मत जम्मत राजीव तांबे यांनी आपल्या संवादातून सांगितली.

पासवर्डच्या या उपक्रमात सोनामाता शाळा, कमला नेहरू प्रशाला, जि. प. प्रा. शा. अंबिका नगर बाळे, बेलाटी, शाळा क्र ४ मोहोळ, अरण या शाळांचा सहभाग होता.