सेवा निवृत्त कर्मचाऱ्यासांठी वैद्यकीय मार्गदर्शन शिबीर संपन्न

बाशी: कर्मवीर डॉ. मामासाहेब जगदाळे यांच्या १२२ व्या जयंतीनिमित्त, जगदाळे मामा हॉस्पीटल बार्शी व श्री शिवाजी शिक्षण प्रसारक मंडळ, सेवानिवृत्त कर्मचारी सेवाभावी संस्था यांच्या संयुक्त विद्यमाने सेवानिवृत्त कर्मचाऱ्यांसाठी वैद्यकीय मार्गदर्शन शिबीर मंगळवार दि. २१/०१/२०२५ रोजी सकाळी १०.०० वाजता संपन्न झाले.

कार्यकमाच्या अध्यक्षस्थानी मेडिकल सुपरीटेंडेंट डॉ. आर.व्ही. जगताप व प्रमुख पाहुणे म्हणून संस्थेचे विश्वस्त माजी प्राचार्य डॉ. चंद्रकांत मोरे उपस्थित होते. तसेच व्यासपीठावर सेवानिवृत्त कर्मचारी सेवाभावी संस्थेचे अध्यक्ष प्रा. विश्वास देशमुख, डॉ. धिरज जाधव, डॉ. इर्शाद शेख व सौ. सिंधु जाधव उपस्थित होते.

डॉ. आर. व्ही. जगताप यांनी नियमित आरोग्य तपासणीचे महत्व सांगितले. डॉ. धिरज जाधव यांनी डायबेटीस या रोगाची कारणे, लक्षणे तपासण्या व उपचार याविषयी सविस्तर स्लाईड शो व प्रश्नोत्तरासहित मार्गदर्शन केले. डॉ. इर्शाद शेख यांनी मणके व मेंदु रोगावरील उपचारासाठी फिजीओथोरपी ची गरज व उपकरणे व प्रश्नोत्तरासहित मार्गदर्शन केले. यावेळी सेवानिवृत्त कर्मचारी सेवाभावी संस्थेचे सचिव श्री. डी.बी. पाटील, संचालक श्री. बदे एन.एस. श्री मोरे टी. एस. व सदस्य बहुजसंख्येने उपस्थित होते.

प्रारंभी छत्रपती शिवाजी महाराज व कर्मवीर डॉ. मामासाहेब जगदाळे यांच्या प्रतिमांचे पुजन करण्यात आले. प्रास्ताविक प्रा. विश्वास देशमुख यांनी केले. सुत्रसंचालन प्रा. किरण गाढवे व उपस्थितांचे आभार प्रा. कल्याण घळके यांनी मानले.