मॉंसाहेब जिजाऊ व छत्रपती शिवाजी महाराज यांच्या प्रतिमांचे आमदार नरेंद्र पाटील यांच्या हस्ते अनावरण

मॉंसाहेब जिजाऊ व छत्रपती शिवाजी महाराज यांच्या प्रतिमांचे पूजन व अनावरण आमदार नरेंद्र पाटील यांच्या हस्ते करण्यात आले.

राजर्षी छत्रपती शाहू महाराज यांच्या जयंती दिनी, स्वर्गीय आण्णासाहेब पाटील महामंडळाचे माजी अध्यक्ष व आमदार नरेंद्र पाटील यांच्या हस्ते या फोटोचे पूजन व अनावरण करण्यात आले. यावेळी आमदार राजेंद्र राऊत,मर्चंट असोसिएशनचे सचिव महेश करळे, प्रविण गायकवाड, सचिन मडके उपस्थित होते.

आमदार राजेंद्र राऊत यांनी, कृषी उत्पन्न बाजार समितीच्या शासकीय इमारतींवरील वैयक्तिक त्यांचे व कुटुंबातील व्यक्तींचे फोटो हटविण्याची विनंती करून त्या जागी छत्रपती शिवाजी महाराजांचे फोटो लावण्याचे आवाहन केले होते. त्यांच्या या विनंतीनुसार बाजार समितीच्या कार्यालयातील त्यांचा फोटो हटवून, त्या ठिकाणी मॉंसाहेब जिजाऊ व छत्रपती शिवाजी महाराज यांचा फोटो लावण्यात आलेला आहे.