आमदार राजाभाऊ राऊत यांनी ३१ ऑगस्ट रोजी बार्शी शहर व तालुक्यातील अंध, अपंग, दिव्यांग बंधू-भगिनीं सोबत त्यांच्या समस्या, अडी-अडचणी, प्रश्न जाणून घेण्यासाठी बैठक घेतली होती. या बैठकीत अनेक प्रश्नांवर, समस्यांवर चर्चा करण्यात आली होती.
या बैठकीत त्यांनी त्यांच्या समस्या, अडी-अडचणी सोडविण्यासाठी व भविष्यातील नियोजन व्यवस्थितपणे करण्यासाठी मा. तहसीलदार, गटविकास अधिकारी, मुख्याधिकारी, ग्रामीण रुग्णालयाचे वैद्यकीय अधिकारी, जिल्हा मध्यवर्ती बँकेचे अधिकारी, ग्रामसेवक, सरपंच व इतर संबंधित अधिका-यांसोबत बैठक आयोजित करण्यात येणार असल्याचे माहीती व विश्वास आमदार राजाभाऊ राऊत यांनी दिला होता.
या पार्श्वभूमीवर आमदार राजाभाऊ राऊत यांनी मा. तहसीलदार सुनील शेरखाने साहेब यांना पत्राद्वारे संबंधितांची गुरुवार दिनांक ८ सप्टेंबर २०२२ रोजी, दुपारी १२ वाजता, यशवंतराव चव्हाण सभागृह येथे बैठक आयोजित करण्यास सांगितले आहे. या बैठकीस बार्शी शहर व तालुक्यातील सर्व अंध, अपंग, दिव्यांग बंधू भगिनींनी उपस्थित रहावे अशी विनंती आमदार राजाभाऊ राऊत यांनी केली आहे.
More Stories
मुलींच्या संरक्षण व सुरक्षिततेची जबाबदारी शाळेची, शिक्षकांनी आपल्या पाल्य प्रमाणे त्यांच्यावर संस्कार करावेत- जिल्हाधिकारी कुमार आशीर्वाद
गरीब रूग्णांना रूग्णालयात उपचारासाठी धर्मादाय योजनेतर्गंत रूग्णालयांची नावे जाहीर
श्री. छत्रपती शिवाजी महाराज महाराजस्व समाधान शिबीर अंतर्गत विविध प्रकारचे दाखल्याचे शिबीर आयोजन