बार्शी तालुक्यातील गौडगाव येथील कृषी तंत्र विद्यालयात शेतकरी मेळाव्याचे आयोजन करण्यात आले
पंचायत राज ट्रेनिंग सेंटर, गौडगाव येथे महात्मा फुले कृषी विद्यापीठ राहुरी संलग्नित कृषी तंत्र विद्यालयाच्या वतीने आंतरराष्ट्रीय पौष्टिक तृणधान्यवर्ष निमित्ताने शेतकरी मेळावा संपन्न झाला.

प्रमुख पाहुण्यांच्या हस्ते कै. कर्मवीर लोहोकरे गुरुजी व महात्मा ज्योतिबा फुले यांच्या प्रतिमांचे पूजन व दीप प्रज्वलन करून कार्यक्रमाची सुरुवात झाली. हा शेतकरी मेळावा संस्था अध्यक्ष विनायक गरड यांच्या अध्यक्षतेखाली पार पडला. प्राचार्य जे. डी. जाधव, नवनाथ कसपटे, जे. बी. पाटील हे प्रमुख पाहुणे म्हणून उपस्थित होते.
प्रमुख पाहुण्यांनी हवामान बदल, जागतिक तापमान वाढ, पौष्टिक तृणधान्य, शेतीचे महत्त्व व शाश्वत शेती या विषयावर मार्गदर्शनपर मनोगत व्यक्त केले.
यावेळी संस्था अध्यक्ष विनायक गरड, सचिव पंडितराव लोहोकरे, संचालक अनिल गरड व अरुण भड तसेच अनिता शिंदे, सरपंच स्वाती पैकेकर,जाफर शेख आदी मान्यवर उपस्थित होते. या मेळाव्याचे सूत्रसंचालन संदीप चव्हाण यांनी केले तर आभार रणजित गरड यांनी मानले.
More Stories
डॉ.ओमप्रकाश शेटे आयुष्मान भारत मिशन महाराष्ट्राच्या कक्ष प्रमुखपदी
यंदा भैरवनाथ शुगर कारखान्याचे ५ लाख मे. टन गाळपाचे उद्दिष्ट : चेअरमन सावंत
जगदाळे मामा हॉस्पिटलमधील ट्रॉमा युनिटच्या ‘कॅज्युअलटी (तातडीची आरोग्य सेवा) लोकार्पण सोहळा व सुपरस्पेशालिटी ओ.पी.डी. इमारतीचा भूमिपूजन समारंभ