सोलापूर, दि. 30 : जिल्ह्यासाठी मृग बहारामध्ये डाळिंब, लिंबू, मोसंबी, पेरु, चिक्कू व सिताफळ फळपिके अधिसुचित करण्यात आली आहेत. पुनर्रचित हवामान आधारित फळपिक विमा योजनेत सहभागी होण्याचे आवाहन जिल्हा अधीक्षक कृषी अधिकारी बाळासाहेब शिंदे यांनी केले आहे.
पुनर्रचितमध्ये डाळिंब व सिताफळ या पिकांची फळपिक विमा भरण्याची मुदत अनुक्रमे 15 जुलै व 31 जुलै 2022 पर्यंत आहे. मुदतीत शेतकरी बांधवांनी पीक विमा भरावा. 1 जुलै ते 7 जुलै 2022 या कालावधीत स्वातंत्र्याचा अमृत महोत्सव इंडिया @ 75 मोहिमेअंतर्गत तिसरा पीक सप्ताह साजरा करण्यात येणार आहे. प्रधानमंत्री फसल विमा योजनेअंतर्गत पुनर्रचित हवामान आधारित फळपिक विमा योजनेसाठी शेतकरी मेळावे व शेतकरी विमा पाठशाळा कार्यक्रमांचे आयोजन तालुका व ग्रामपातळीवर करण्यात येणार असल्याची माहितीही श्री. शिंदे यांनी दिली.
More Stories
अनु. जाती व अनु जमाती प्रवर्गातील शेतक-यांनी विविध घटकांच्या लाभासाठी अर्ज करावेत
गरीब रूग्णांना रूग्णालयात उपचारासाठी धर्मादाय योजनेतर्गंत रूग्णालयांची नावे जाहीर
श्री. छत्रपती शिवाजी महाराज महाराजस्व समाधान शिबीर अंतर्गत विविध प्रकारचे दाखल्याचे शिबीर आयोजन