करमाळा नगरपरिषद प्रारुप प्रभाग आराखडा तयार, लवकरच अंतिम प्रभाग रचना व निवडणूक कार्यक्रम जाहीर

डिसेंबर महिन्याच्या अखेर करमाळा नगरपालिकेची मुदत संपत आहे . त्यानुसार राज्य निकवडणुक आयोगामार्फत दिलेल्या आदेशानुसार नगरपालिकांच्या प्रारूप प्रभाग रचना 30 नोव्हेंबरपूर्वी तयार करण्यात आली आहे .ही प्रारूप प्रभाग रचना आराखडा सादर करण्यात आला असून यामध्ये १० प्रभाग आहेत . ही प्रभाग रचना अंतिम झाल्यानंतर निवडणूक कार्यक्रम जाहीर होणार आहे .

सोलापूर जिल्ह्यातील पंढरपूर , बार्शी , करमाळा , मंगळवेढा , कुर्डुवाडी , अक्कलकोट , दुधनी , मैंदर्गी व सांगोला या नगरपालिकांच्या मुदती सुद्धा संपत आहेत या अनुषंगाने प्रशासनाने प्रारूप प्रभाग रचना तयार करण्यात आली आहे.

सध्या नगरपंचायतीची निवडणूका सुरू आहेत .यामध्ये जिल्ह्यात पूर्वीच्या व नव्याने निर्माण झालेल्या नगरपंचायतीच्या निवडणुकांची प्रक्रिया सुरू असून नंतर नगरपालिकांच्या निवडणूका होतील या पार्श्वभूमीवर निवडणूक विभागाकडून तयारी सुरु आहे . साधारण फेब्रुवारीमध्ये ते मार्च निवडणुका होतील असे बोलले जातआहे. प्रारूप प्रभाग रचना अंतिम झाल्यानंतर जिल्ह्यातील नगरपालिकांच्या निवडणुक कार्यक्रम जाहीर होईल .

अ वर्ग नगरपालिकासाठी निवडून आलेल्या नगरपालिका सदस्य संख्येत वाढ होणार आहे . तसेच अ वर्ग नगरपालिकेमध्ये किमान सदस्य संख्या ४० असेल आणि ४५ पेक्षा अधिक नसेल . ब वर्ग नगरपालिकेसाठी निवडून आलेल्या नगरपालिकेच्या सदस्य संख्येत दोनची भर पडणार आहे . ब वर्ग नगरपालिकेसाठी किमान सदस्य संख्या 25 असेल आणि ३५ पेक्षा अधिक नसेल . क वर्ग नगरपालिका निवडून आलेल्या सदस्यसंख्या तीनने वाढली आहे . क वर्ग नगरपालिकेसाठी किमान सदस्य संख्या २० असेल आणि 25 पेक्षा अधिक नसेल .

करमाळा नगरपालिकेच्या निवडणुकीसाठी प्रारूप प्रभाग रचना करण्यात आली असून १० प्रभागांमध्ये २० सदस्य संख्या असणार आहे.