डॉ.मामासाहेब जगदाळे यांच्या १२२ व्या जयंतीनिमित्त कर्मवीर बुद्धिबळ स्पर्धा संपन्न

कर्मवीर डॉ.मामासाहेब जगदाळे यांच्या १२२ व्या जयंतीनिमित्त बुद्धिबळ स्पर्धा संत तुकाराम हॉल बार्शी या ठिकाणी घेण्यात आल्या. या स्पर्धेचे आयोजक वखारिया विद्यालय उपळे (दु) होते.या स्पर्धा प्राथमिक गट, माध्यमिक गट ,खुला गट मुले व खुला गट मुली अशा चार गटात पार पडल्या.

प्राथमिक गट व माध्यमिक गटाच्या संस्थे अंतर्गत स्पर्धा दिनांक २७ डिसेंबर २०२४ रोजी संपन्न झाल्या. मुलांचा खुला गट व मुलींचा खुला गटाच्या स्पर्धा दिनांक २९ डिसेंबर २०२४ रोजी संपन्न झाल्या.
या कार्यक्रमाचे उद्घाटन प्रसंगी संस्थेचे सचिव पी.टी.पाटील व संस्थेचे खजिनदार जयकुमार शितोळे हे उपस्थित होते.छत्रपती शिवाजी महाराज व डॉ मामासाहेब जगदाळे यांच्या प्रतिमेचे पूजन मान्यवरांच्या हस्ते करण्यात आले.

या स्पर्धेची सुरुवात संस्थेचे सचिव पी.टी पाटील व खजिनदार जयकुमार शितोळे यांनी बुद्धिबळ पटावरील एक सोंगटी खेळून केली. याप्रसंगी संस्थेचे सदस्य व स्पर्धा प्रमुख बी.के.भालके. मुख्याध्यापक दयानंद रेवडकर, नामदेव महाले,अतुल नलगे, व अविनाश जाधव उपस्थित होते.

या स्पर्धेमध्ये ४०० स्पर्धकांनी सहभाग नोंदवला. प्राथमिक व माध्यमिक गटातून पाच क्रमांक काढण्यात आले. यामध्ये संस्थांतर्गत प्राथमिक गटातून प्रथम क्रमांक सान्वी दत्तात्रय गोरे (महाराष्ट्र विद्यालय बार्शी), द्वितीय क्रमांक प्रज्वल बारंगुळे (महात्मा फुले विद्यामंदिर बार्शी), तृतीय क्रमांक श्रीशैल्य घाडगे (महाराष्ट्र विद्यालय बार्शी), चौथा क्रमांक मधुरा क्षिरसागर (जिजामाता विद्यामंदिर बार्शी), पाचवा क्रमांक विराज जिरंगे (महाराष्ट्र विद्यालय बार्शी) माध्यमिक गटातून प्रथम क्रमांक प्रसन्न जगदाळे (महाराष्ट्र विद्यालय बार्शी), द्वितीय क्रमांक वेदांत खोसे (महाराष्ट्र विद्यालय बार्शी), तृतीय क्रमांक यज्ञेश जाधव (महाराष्ट्र विद्यालय बार्शी), चौथा क्रमांक शुभम कदम (महाराष्ट्र विद्यालय बार्शी), पाचवा क्रमांक अजय वैद्य (महाराष्ट्र विद्यालय बार्शी)
खुला गट मुले प्रथम क्रमांक प्रसन्न जगदाळे (महाराष्ट्र विद्यालय बार्शी), द्वितीय क्रमांक वेद आगरकर (सुलाखे इंग्लिश मीडियम बार्शी),
खुला गट मुली प्रथम क्रमांक अनन्या उलभगत (फिनिक्स पोदार लर्न स्कूल बार्शी) द्वितीय क्रमांक संपदा बोळे (श्री शिवाजी महाविद्यालय बार्शी), तृतीय क्रमांक शिवकन्या बकाल यांनी पटकावला.

बक्षीस वितरणाचा कार्यक्रम स्पर्धा संपल्यानंतर स्पर्धा प्रमुख बी.के भालके व संयोजन समिती मान्यवरांच्या हस्ते संपन्न झाला.
या स्पर्धा यशस्वी पार पाडण्यासाठी वखारिया विद्यालयाचे मुख्याध्यापक दयानंद रेवडकर,अतुल नलगे,नामदेव महाले,स्नेहा निंबाळकर,अविनाश जाधव यांनी परिश्रम घेतले तसेच पंच म्हणून काम पाहिले.

या यशाबद्दल सर्व यशस्वी खेळाडूंचे संस्थेचे अध्यक्ष डॉ. बी.वाय.यादव, उपाध्यक्ष एन.एन.जगदाळे,सचिव पी.टी. पाटील, सहसचिव ए.पी.देबडवार, खजिनदार जयकुमार शितोळे, सर्व कार्यकारिणी सदस्य,सर्व संस्था सदस्य, स्पर्धा प्रमुख बी.के.भालके, वखारिया विद्यालयाचे मुख्याध्यापक दयानंद रेवडकर यांनी अभिनंदन केले.