शहरात सी एन जी पंपाचे उद्घाटन पहिल्याच दिवशीच लागल्या रांगा

पेट्रोल आणि डिझेलच्या दरात झालेली वाढ विचारात घेता ग्राहक इतर इंधन पर्यायांच्या शोधात आहेत यातूनच इलेक्ट्रिक वाहने ( e bike) च्या खरेदीत मोठ्या प्रमाणात वाढ झाली आहे तसेच सीएनजीचा वापरही वाढत आहे . इलेक्ट्रीक कार निर्मितीस कंपन्यांनी सुरवात केली असली तरी ग्रामीण भागात लोक इलेक्ट्रिक कार वरती विश्वास ठेवायला तयार नाहीत व ते महागडेही आहेत . मध्यंतरी lpg चा वापरही मोठ्या प्रमाणात वाढला होता अणि आता लोक सीएनजी चारचाकी वाहनांकडे वळत आहेत.

सोलापूर शहर जिल्ह्यातील नागरिकांना चार चाकी मध्ये सीएनजी भरण्यासाठी शहरा बाहेर जावे लागत असायचे . पेट्रोल डिझेलचे भाव गगनाला भिडलेले असल्याने नागरिकांचा कौल सीएनजी कडे ओढला जात आहे . सीएनजीच्या गाड्यांचे प्रमाण सोलापुरात जास्त आहे परंतु सीएनजी पंप नसल्याने नागरिकांमधून नाराजी व्यक्त होत होती . आता सोलापुरातील नागरिकांची प्रतीक्षा संपलेली असून १५ नोव्हेंबर रोजी लक्ष्मी नारायण टॉकीज शेजारी एमआयडीसी रोड जवळील पाटील नगर येथील प्रो . प्रा . मल्लिकार्जुन पाटील यांचे गुरुकृपा पेट्रोलियम येथे सीएनजी पंपाचे उद्घाटन होटगीचे धर्मरत्न श्री मल्लिकार्जुन शिवाचार्य महास्वामी , खा . डॉ . जयसिद्धेश्वर महाराज , महापौर श्रीकांचना यन्नम , माजी पालकमंत्री आमदार विजयकुमार देशमुख , शहर अध्यक्ष विक्रम देशमुख , सभागृहनेते शिवानंद पाटील यांच्या हस्ते करण्यात आले .

सीएनजी पंप सुरु होण्याची माहिती लोकांना मिळताच कार चालकांची गुरुकृपा पेट्रोलियम येथे मोठी रांग लागली.