बार्शीत रमाई चषक क्रिकेट स्पर्धेस प्रारंभ, पहिल्यांदाच होणार डे – नाइट सामने

बार्शी:- डॉ. बाबासाहेब आंबेडकर यांच्या जयंती निमित्त भिम टायगर संघटनेच्यावतीने रमाई चषक टेनिस बॉल क्रिकेट स्पर्धेचे आयोजन भगवंत स्टेडियम या ठिकाणी करण्यात आले आहे.

या क्रिकेट स्पर्धेचे उद्घाटन माजी नगरसेवक विजय राऊत यांच्या हस्ते करण्यात आले. यावेळी माजी नगराध्यक्ष रमेश पाटील, नवनाथ चांदणे, संदेश काकडे, संतोष बारंगुळे विलास रेणकेसुधीर बारबोले, भिम टायगरचे शंकर वाघमारे, दया कदम, दादासाहेब गायकवाड, सुनील अवघडे, राजेंद्र कदम, विजय कदम, राहुल बोकेफोडे, दीपक ओहोळ, भारत तातेड, संदीप आलाट तसेच क्रिकेट प्रेमी उपस्थित होते.

पहिल्याच सामन्यात बार्शीच्या एस. एम. एम. क्रिकेट क्लबने धानोरे संघाचा ९ गडी राखून पराभव करत विजयी सलामी दिली. या स्पर्धेसाठी बार्शीसह पुणे, सोलापूर कोल्हापूर, औरंगाबाद, बीड लातूर, उस्मानाबाद , तुळजापूर येथील क्रिकेट संघ दाखल झाले आहेत .